Námskeið júní, júlí og ágúst 2026

Flugukastnámskeiðin okkar fóru af stað með krafti í apríl og maí og erum við þakklátir öllum sem komu á námskeið í vor. Í sumar verður minna framboð af skipulögðum námskeiðum en þau námskeið sem eru í boði verða auglýst á síðunni okkar hverju sinni. Ef engin námskeið eru í boði má alltaf senda fyrirspurn á info@flugukast.is og við gerum okkar allra besta að koma til móts við þá sem vilja læra, annaðhvort með einkakennslu eða skipuleggjum hópnámskeið ef nægilegur fjöldi áhugasamra er til staðar.

Gleðilegt veiðisumar! :)

Hvað er í boði 2026?

Flugukast.is er að hefja 15 starfsárið sitt og við erum ótrúlega þakklát og stolt af vegferðinni hingað til. Á þessu ári ætlum við að halda uppteknum hætti og bjóða upp á hágæða námskeið í flugukasti fyrir byrjendur og lengra komna. Skráningar munu fara fram hér á flugukast.is og verða námskeið haldin á Miklatúni og í Breiðholti eins og undanfarin ár en á sumum námskeiðum munum við fara upp að vötnunum á höfuðborgarsvæðinu. Á það einna helst við tvíhendu- og Speykastnámskeiðin okkar.

Námskeiðin okkar hefjast að venju á sumardaginn fyrsta og munum við bæði vera með kennslu um helgar og seinnipart á virkum dögum, eftir vinnu. Við hvetjum ykkur til að skrá ykkur sem fyrst þar sem plássin eru fljót að fara þegar vorið fer að láta á sér kræla.

Hlökkum til að hitta ykkur í sumar!